Pada suatu hari di keluarga Bang Husin, dan Tetangga Bang Husin bernama Mi’un sedang mengembala kambing..
Bang Husin : ‘Un lagi ngapain lu?
Mi’un : Lagi ngasih makan kambing bang…
Bang Husin : Emangnye tu kambing lu kasih makan ape?
Mi’un : Wuuiiih Bang, kambing aye ini aye kasih makan, Pizza, Hamburger, Fried Chicken, ama makanan yang keren-keren gitu deh bang, trus minumnya aye kasih Coca-Cola, Fanta, ame yang begitu-begitu deh bang..
Bang Husin : Waaah, keterlaluan lu, tetangga lu aje masih banyak yang kelaperan, sedangkan elu ngasih makan mewah buat kambing, waah elu emang bener-bener gak ada perikmanusiaannya.. gini caranya lu bisa gue laprin ke komnas HAM…
Mi’un : Waaah, waaah, waaah jangan dong baang..
Bang Husin : Kalo lu gak mau gue aduin, hehehehe, ada uang tutup mulutnyee…
Mi’un : Iye deh, iye deh, nih buat abang, tapi jangan kasih tau siape-siape yeh…
Bang Husin : Hehehe, makasih yeh, elu gak akan gue laporin dah.. tenang aje…
Keesokan harinya….
Bang Husin : Eh mi’un lagi ngapain lagi lu?
Mi’un : Biasa bang, lagi ngasih makan kambing…
Bang Husin : Sekarang lu kasih makanan apaan lagi tuh kambing..?
Mi’un : Waah, tenang aje bang, sekarang nih kambing-kambingnye aye kasih makan sampah, minumnye juga aye kasih air comberan
Bang Husin : Waaah, bener-bener keterlaluan lu ‘Un…
Mi’un : Kenape lagi sih bang…?
Bang Husin : Itu tu binatang, masa’ binatang lu kasih makan begituan, bisa sakit die, ntar dagingnya jadi kagak enak, bisa kenape-kenape tuh kambing, waah ini musti gue laprin ke tempat perlindungan marga satwa nih…
Mi’un : Waaah, ja ja jangan dong bang, iye-iye nih aye kasih lagi, tapi jangan bilang siape-siape yeeh..
Bang Husin : Hahahaha pinter juga lu, ya udah deh tenang aje gak akan gue kasih tau siape-siape..
Keesokan harinya lagi…
Bang Husin : Waaah rajin amat nih, lagi kasih makan kambing lagi?
Mi’un : Iye bang kambing kan juga musti dikasih makan tiap hari ye…
Bang Husin : Sekarang ni kambin lu kasih makan apaan?
Mi’un : Tenang aje bang, sekarang kambingnye masing – masing aye kasih duit, nah trus biar mereka pilih sendiri deh mau makan ape, jadi sekarang makannye terserah kambing-kambingnye baang,… 
Bang Husin : ???…
- SEKIAN -
0 Responses to “Makanan Kambing”